Halmashauri ya Wilaya ya Songea inatekeleza Mpango huu wa kunusuru kaya maskini awamu ya tatu kipindi cha pili na ulianza kutekelezwa rasmi mnamo February 2020.
Lengo la mpango huu wa kunusuru kaya maskini ni kuwezesha kaya maskini kuongeza kipato, fursa na uwezo wa kugharimia mahitaji muhimu kwa kupitia vikundi vya kuweka na kuwekeza vya walengwa, kusaidia kaya maskini za wazee, watoto waliojiandikisha shule na wale walio chini ya miaka mitano na kaya za watu wenye ulemavu.
SHUGHULI ZINAZOTEKELEZWA:
2.0.1. UTOAJI WA RUZUKU KWA WALENGWA.
Halmashauri ya Wilaya ya songea imeanza utekelezaji wa mpango huu kunusuru kaya maskini mnamo mwaka 2015 kwa kutoa ruzuku ya TASAF kwa walengwa waapatao 5,257 kutoka katika vijiji 56.
2.0.2 MIRADI YA KUTOA AJIRA YA MUDA KWA WALENGWA
Halmashauri ya wilaya ya songea inatekeleza miradi ya kutoa ajira ya muda kwa walengwa, mirdi hii huibuliwa na wananchi kupitia mikutano maalum ya vijiji ya wananchi wote na hutekelezwa na walengwa wa mpango kwa lengo la kuongeza kipato kwa kaya.
Miradi hii hutekelezwa Zaidi kipindi cha ARI, ni kipindi ambacho kinakuwa kigumu kwa walengwa kupata mahitaji yao inavyotakiwa. Kwa halmashauri ya wilaya ya songea hutekeleza miradi hiyo kuanzia mwezi Sept kila mwaka na hukamilika mwezi februari kila mwaka.
Mpango huu wa utekelezaji wa miradi ya kutoa ajira ya muda kwa walengwa ni wa kipindi cha miezi sita (6) na kila mwezi walengwa hufanya kazi siku kumi, kwa masaa manne tu kila siku, na hulipwa shilingi 3,000 kila siku ambayo mlengwa atafanya kazi.
Miradi hii hutekelezwa kila kijiji na aina miradi inayotekelezwa ni ujenzi wa vivuko vya watembea kwa miguu, uboreshaji wa visima vya asili, uboreshaji wa barabara za mashambani, uanzishwaji wa mashamba ya korosho, uanzishwaji wa mashamba ya parachichi na utengenezaji wa pavement block ambazo zimewekwa kwenye sekondari na zahanati.
2.0.3.MIRADI YA UJENZI WA MIUNDO MBINU MBALIMBALI
Halmashauri ya wilaya ya songea imetekkeleza na inatekeleza miradi ya ujenzi wa miundo mbinu mbalimbali nayo ni kama ifuatavyo;
Mradi wa ujenzi wa soko, vyoo matundu 6 na vizimba 82 katika kijiji cha Peramiho ambao imetumika takribalin shilingi milioni 185. Ujenzi umekamilika na unatumika.
Ujezni wa nyumba ya mtumishi katika hospitali ya wilaya kijiji cha Mpitimbi B ambayo imetumia jumla ya shilingi milioni 68. Ujenzi umekamilika na unatumika.
Ujenzi wa nyumba mbili za watumishi, ujenzi wa vyoo matundu 6 na uchimbaji wa kisima kirefu katika zahanati ya kijiji cha mdunduwalo ambayo imetumika jumla ya shilingi 154. Ujenzi umakamilika na unatumika.
Ujenzi wa kituo cha magari, vyoo matundu 6, vibanda vya mlinzi 2, jengo la utawala 1, ujenzi wa maduka 32 na ujenzi wa uzio katika kijiji cha Parangu. Fedha zilizopokelewa kwa ajili ya ujenzi ni milioni 202. Ujenzi unaendelea.
Ujenzi wa kituo cha magari, vyoo matundu 6, vibanda vya mlinzi 2, jengo la utawala 1, maduka 36 na ujenzi wa uzio katika kijiji cha lundusi. Fedha zilizopokelewa kwa ajili ya ujenzi ni milioni 434. Ujenzi unaendelea.
2.0.4 MPANGO WA UWEZESHWAJI KIUCHUMI WALENGWA (PRODUCTIVE GRANT)
Halmashauri ya wilaya ya songea inatekeleza mpango katika vijiji 36 kati ya vijiji 56. Mpango huu TASAF inawapa walengwa wenye uwezo wa kufanya kazi ruzuku ya uwezeshwaji kiuchumi kiasi cha 350,000 kila mlengwa kwa ajili ya kuanzisha miradi mbalimbali. Katika halmashauri ya wilaya ya songea jumla ya walengwa 1,676 wamepewa ruzuku hii na wameanzisha shughuli za uzalishaji za ufugaji wa kuku, mbuzi, nguruwe, mama lishe na kilimo cha mbogamboga.
