WIZARA ya Maliasili na Utali ya anza kutekeleza agizo la Rais

Tarehe ya Kuwekwa: February 26th, 2021

Wizara ya Maliasilia na Utalii imeanza kutekeleza kwa vitendo agizo la Rais wa Jamhuri ya Muungano wa Tanzania  Dkt John Pombe Magufuli ya kutaka somo la historia ya Tanzania  lifundishwe  kwenye shule.

Hayo ameyasema waziri wa maliasili na utalii Dkt Damas Ndumbaro wakati akifungua tamasha la 12 la kumbukuzi ya Vita vya Majimaji na Utalii wa ndani lililofanyika katika viwanja vya Makumbusho ya Taifa ya Majimaji Manispaa ya Songea leo.

“Kupitia Makumbusho ya Taifa tunaunga mkono na kutekeleza agizo la Rais la kufundisha somo la historia ya Tanzania”,amesema Dkt Ndumbaro.

Dkt Ndumbaro amesema katika kutekeleza agizo la Rais Dkt Magufuli Wizara ya Maliasili na Utalii  kupitia Taasisi ya kielimu ya Makumbusho imezindua  klabu sita za historia na uzalendo kwenye shule kwa lengo la kukuza ufahamu wa wanafunzi  wa shule za msingi na sekondari kuhusu historia ya nchi yetu.

Dkt Ndumbaro amesema Makumbusho ya Taifa ni Taasisi ya Kielimu yenye jujkumu la kukusanya ,kutafiti, kuhifadhi na kuelimisha jamii kuhusu urithi wa Taifa letu,hivyo lina wajibu mkubwa katika kufundisha jamii historia ya Tanzania kwa vitendo yakiwemo matamasha na utalii wa kiutamaduni.

Kwa upande wake Dkt Christowaja Ntandu ambaye alimwakilisha Katibu Mkuu wa Wizara hiyo amesema Mkoa wa Ruvuma ni miongoni mwa mikoa michache inayo tekeleza kwa vitendo  matamasha ya kiutamaduni  na kukuza utalii wa ndani  wa malikale .

Ntandu amesema tamasha la kumbukizi ya vita vya majimaji na utalii wa utamaduni limekuwa linaumuhimu mkubwa kwasababu linatoa elimu kwa Watanzani kupitia makongamano na semina kuwafundisha Watanzania kujenga uzalendo, mshikamano,upendo  na kupenda vya kwetu.

Ameongeza kwakusema tamasha linatoa fursa ya pamoja ya kutafakari,kuenzi na kusherehekea matunda ya uzalendo ya wazee wetu ambao ni mashujaa wa vita vya majimaji ambao walipambana katika kuupinga utawala wa kikoloni mwaka1905 hadi 1907.

Tamasha la kumbukizi ya Vita vya majimaji ni la 12 tangu lianzishwe mwaka 2010 na miaka 114 imepita tangu mashuja hao wa vita kunyogwa katika eneo la Manispaa ya Songea Mkoani Ruvuma likiwa linaandaliwa  na Baraza la wazee wa mila na desturi,jeshi la wananchi na makumbusho ya Taifa.

Imeandikwa na 

Jacquelen Clavery 

Afisa habari Songea dc