Waratibu elimu kata wakabidhiwa pikipiki

Tarehe ya Kuwekwa: July 31st, 2018

Serikali kupitia OR-TAMISEMI Imewakabidhi Waratibu Elimu Kata pikipiki kwa lengo la kufutilia utendaji kazi na kuhakikisha kiwango cha taaluma kinapanda katika Halmashauri ya wilaya ya songea

Kauli hiyo imetolewa mkuu wa wilaya ya songea Mh Pololet Mgema katika hafla fupi ya kuwakabidhi waratibu elimu kata pikipiki 16 wa kata zote ilyofanyika katika ofisi ya Halmashauri ya Wilaya ya songea hivi karibuni.

Mh Mgema amewataka waratibu Elimu kata kutumia pikipiki walizopewa kwa malengo yaliyo kusudiwa pamoja na kufutilia utendaji kazi wa Elimu na kuhakikisha kiwango cha taaluma kinaongeza zaidi

Mh Mgema amesema serikali ya awamu ya tano inayoongozwa na Mh Dkt John Pombe Magufuli  imejidhatiti katika kuhakikisha inaendelea na uboreshaji wa utoaji wa huduma za jamii  zikiwemo Elimu,afya Ujenzi wa miundo  mbinu ya maji na barabara na utoji wa vitendea kazi kwa wafanyakazi   nia ikiwa kutoa huduma stahiki  kwa wananchi.

Adha Mwenyekiti wa Halmashauri hiyo Mh Rajabu Hassani Mtiula amesema kulingana na jiofrafia ya Halmamashauri yake usafiri kwa  waratibu Elimu kata ilikuwa ni changamoto  katika kutekeleza majukumu yao ipasavyo,hivyo upatikanaji wa usafiri wa pikipika utawasaidia kutekeleza majukumu yao kwa wakati  na amewataka kutunza pikipiki hizo.

Naye Mkurugenzi Mtendaji wa Halmashauri hiyo Bw Simoni Bulenganija amesema serikali imewarahisishia kazi hivyo wafanye kazi na kuleta mabadiliko makubwa ya kitaaluma katika Elimu ya Msingi,Sekondari na katika Stadi za kusoma,kuhesubu na kuandika ( KKK) na kuacha kisingizio cha kukosa asafiri pale wanapotakiwa kwenda  kufanya shughuli za ufutiliaji Elimu.

Prospa Njiwa ni moja kati ya waratibu walionufaika na pikipiki hizo akizungumza kwa niaba ya wengine ameishukuru serikali kwa kuwapatia usafiri ambao utawasaida kutatua changamaoto kwa kwa upande wa usafiri kuwafikia watendajiwa wanao wasimamia na umewarahishia sana kazi

JACQUELEN CLAVERY-TEHAMA