wananchi wa jimbo la peramiho wapongeza umahiri wa Mbunge Mh Jenista Mhagama

Tarehe ya Kuwekwa: November 8th, 2018

Wananchi wa Jimbo la Peramiho Mkoani Ruvuma wamepongeza na kutambua jitihada za Mbunge wao Mh Jinista Mhagama  katika  utekelezaji wa ilani ya chama cha mapinduzi kwa vitendo.

Wamesema kwa nyakati tofauti katika maadhimisho ya wiki ya umoja wa wanawake Tanzania (UWT) yaliyo fanyika hivi karibuni katika Kijiji cha Namatuhi Wilayni songea.

Wananchi wamesema wanatambua umahiri na  jitihada  zinaofanywa na Mbunge  katika kuchangia ujenzi wa miradi mbalimbali ya maendeleo na kuhakikisha wananchi wanafikiwa na huduma za kijamii katika makazi yao.

“Chifu wa wangoni Emanueli Gama anamfananisha Mh. Mhagama na Mtawala wa 7 wa Misri Malkia CLEOPATRA  sio kwa uzuri bali kwa uhodari wake wakuchapa kazi bila kuchoka ndo maana Raisi wa Jamuhuri ya Muungano wa Tanzania  Dkt John Pombe Magufuli  alimteua kuwa waziri”alisema chifu Gama.

Graceana Ntanga ni miongoni  mwa wananchi wa jimbo la Peramiho anasema anatambua umahiri wa  Mh. Mhagama katika swala zima la kuwasaidia wananchi kwa vitendo na michango ya fedha katika uanzishaji na utekelezaji wa miradi ya maendeleo

Mh. Mhagama amekuwa kiongozi mahiri na mfano wa kuigwa katika kutekeleza Ilani  ya Chama cha Mapinduzi kwa vitendo kwa wananchi kwakutoa michango ya mawazo, ushauri na fedha katika miradi ya maji hususani uchimbaji wa visima ambavyo vimechimbwa takribani  maeneo yote ya Jimbo la Peramiho, ujenzi wa miundo mbinu ya barabara, umeme wa jua, ujenzi wa miundo mbinu ya mashule, Zahanati, SACCOS, vikundi mbalimbali vya wanawake na Vijana na vifaa mbalimbali vya viwandani

Aidha Mh.  Mhagama amewasaidia wananchi  kwa kuanzisha shule shikizi za Ulamboni,Lunyele Maleta,Jenista,Mborongo, nyingine ni Lihuhu, Ligunga, Mhimbasi na Selekano ambazo wananchi walikuwa wakimwomba  kuanzishiwa shule hizo kwasababu ya  wao kuhama toka makazi yao ya awali na kutafuta maeneo kwa ajili ya shughuli za kiliomo hivyo kushindwa kumudu umbali mrefu wa kuwapeleka watoto wa kupata Elimu kwenye shule mama.

Imeandaliwa na jaccquelen Clavery kaimu Afisa Habari  Songea DC