Uchaguzi mdogo wa udiwani

Tarehe ya Kuwekwa: July 25th, 2018

Uchaguzi mdogo wa udiwani jimbo la Peramiho

Uchaguzi wa udiwani katika jimbo la Peramiho kata ya Peramiho unaendelea vizuri kwa vyama vyote vilivyoweka wagombea kuendelea na kampeni zao kama kawaida na bila vurugu zozote.

Hayo yamesemwa na Mkurugenzi wa Uchaguzi wa Jimbo la Peramiho Bw Simoni Bulenganija wakati akitoa ufafanuzi kuhusu taratibu na mwenendo wa uchaguzi unavyo endelea katika jimbo hilo.

Bw Bulenganija amesema hali ya uchaguzi wa Udiwani kata ya Peramiho unaendelea vizuri kwa wagombea kuendelea na kampeni ambazo zimeanza julai 15 hadi Agosti 11 /2018 na taratibu nyingine zote kwa mujibu wa ratiba  zinaenda vizuri  na tarehe 12 agost/2018 ni siku ya uchaguzi.

Bw Bulenganija amevitaja vyama ambavyo vimejitokeza kuweka wagombea kwa nafasi hiyo kuwa ni Chama cha mapinduzi (CCM),Chama cha Demokrasia na Maendeleo (CHADEMA) na Chama cha Wananchi (CUF).

Uchaguzi huo unafanyika kufuatia aliye kuwa diwani wa kata hiyo Mh AIZACK ALEX MWIMBA  kufariki dunia kwa ajali  mnamo tarehe 24/02/2018.

JACQUELEN CLAVERY-TEHEMA