MPANGO na bajeti 2021/2022

Tarehe ya Kuwekwa: February 22nd, 2021

MPANGO na bajeti

 Mwenyekiti wa Halmashauri ya Wilaya ya Songea mkoani Ruvuma  Mhe .Menas Komba amewaagiza wakuu wa idara na vitengo kutumia kila mbinu kuhakikisha ukusanyaji wa mapato unaongezeka.

Komba ametoa maagizo hayo wakati akifunga mkutano maalum wa baraza la madiwani la kupitisha mpango na bajeti  ya Halmashauri  kwa mwaka wa fedha 2021 / 2022 uliofanyika katika ukumbi wa Halmashauri.

Mhe. Komaba amesema wakuu wa idara na vitengo  watumie kila mbinu pamoja na mpango kazi utakao onyesha mkakati wa ukusanyaji wa mapato kwa kila idara na kitengo.

Akiwasilisha mpango  na bajeti  ya maedeleo ya Halmashauri  kwa mwaka 2021/2022-2023/2024 Afisa mipango wa Halmashauri hiyo Athumani Nyange amesema Halmashauri imekasimia kukusanya na kutumia kiasi cha shilingi bilioni 28.1.

Nyange ametaja  vyanzo mbali mbali vya mapato kuwa ni mapato ya ndani,mishahara,ruzuku toka serikali kuu na ruzuku ya miradi ya maendaleo.

Amesema kwa mwaka wa fedha huo Halmashauri imepanga kutumia fedha katika maeneo yasiyo ruzuku na ya ruzuku na miradi ya maendeleo .

Ameongeza kwakusema bajeti ya Halmashauri imeongezeka kutoka ukomo wa shilingi bilioni 22.2 hadi kufikia bilioni 28.1 sawa na ongezeko la asilimia 26.5 sababu ya ongezeko hilo kuwa ni ukomo wa bajeti ya mishahara na ukomo wa bajeti ya makusanyo ya mapato ya ndani.

Amevitaja vipaumbele vya bajeti  ya mwaka 2021/2022 kuwa ni kukamilisha miradi viporo,kuajiri watumishi wapatao 784,kuboresha na kuendeleza usafi wa mazingira,kupambana na tatizo la lishe,ujenzi wa miundo mbinu ya elimu sekondari na msingi,kukamilisha ujenzi wa zahanati tisa na vituo vya afya vinne na hospitali ya wilaya pamoja na kutengeneza madawati na viti 500 kwa  wanafunzi wa sekondari na msingi.

Imeandikwa na

Jacquelen Clavery Afisa habari

Songeadc