MADAKTARI BINGWA WA DKT. SAMIA, WANATEGEMEA KUTOA HUDUMA ZA KIBINGWA NA UBINGWA BOBEZI KATIKA HOSPITALI YA HALMASHAURI SONGEA

Tarehe ya Kuwekwa: May 21st, 2025

Madaktari Bingwa Zaidi ya saba, wanategemea kuwepo katika Halmashauri ya Wilaya ya Songea, kuanzia Mei 26, 2025 hadi Meji 31, 2025 kwa lengo la kutoa huduma za Kibingwa na Ubingwa Bobezi kwa Wananchi katika  Halmashauri ya Wilaya ya Songea.

Akilizungumzia hili, Mkurugenzi Mtendaji wa Halmashauri ya Wilaya  ya Songea, Bi Elizabeth Mathias Gumbo, Amewatangazia wananchi wote kuwa kuanzaia Tarehe 26-31 Mei 2025, kutakua na huduma za kibingwa na Ubingwa Bobezi katika hospitari ya Halmashauri ya Wilaya ya Songea.“ MADAKTARI WA RAIS SAMIA “ambao watakuwepo kuhudumia Wananchi wote  katika Hospitari ya Wilaya.

Lengola Ujio wa Madaktari Bingwa ni muendeleza wa mapenzi ya Dkt. Samia Suluhu Hassan kwa wananchi wake katika kuimalisha ubora wa matibabu na kupunguza vifo kwa makundi mbalimbali hasa vinavyotokana na uzazi na Watoto wachanga.

Naye Mganga Mkuu wa Halmashauri ya Wilaya ya Songea, Dr. Geofrey Kihaule amesema “ katika Hospitari ya Halmashauri ya Wilaya ya Songea tunategemea kupokea seti ya madaktari saba, (7) ambao watajikita kutibu magonjwa kwa wagonjwa mbalimbali, huku akitaja Madaktari watakaokuwepo na Magonjwa yatakayoshughulikiwa kama vile:-

• Daktari Bingwa wa magonjwa ya Wanawake na Ukunga
• Daktari Bingwa au Bobezi wa Magonjwa ya Watoto na Watoto Wachanga
• Daktari Bingwa wa Upasuaji na Mfumo wa Mkojo
• Daktari Bingwa wa Usingizi na Ganzi
• Daktari Bingwa wa Magonjwa ya Ndani
• Daktari Bingwa wa Kinywa na Meno
• Daktari Bingwa wa Upasuaji wa Mifupa
• Muuguzi Bobezi
• Daktari Bingwa wa Pua, Koo na Masikio ( ENT Surgeon)

Daktari Samia Suluhu Hassan, Rais wa Jamhuri ya Muungano wa Tanzania, amemaanisha hasa kuhakikisha wananchi wote wanapata huduma bora ya Afya, na pia kuhakikisha anawaleta madaktari Bingwa mala kwa mala ikiwa ni Sehemu ya kuwapunguzia wananchi kero ya kusafili kuelekea muhimbili kupata huduma.

Kwa niaba ya Mkurugenzi, Dr. Kihaule amemshkuru sana Dkt Samia, na Waziri wa Afya Mhe. Jenista Mhagama, kwa kuendelea kuhakikisha Wananchi wa Halmashauri ya Wilaya ya Songea,  wanapata Huduma bora ya Afya.