DC. Mgema marufuku kutumia maeneo ya shule kuendesha shughuli za mnada

Tarehe ya Kuwekwa: April 20th, 2020

Mkuu wa Wilaya ya Songea Pololeti  Mgema amepiga marufuku kuendesha mnada  eneo la shule ya Msingi Kivukoni katika kijiji cha Nakawale -  Mkenda badala yake watumie soko la kimataifa la Nakawale  -Mkenda lililojengwa mpakani mwa Nchi ya Tanzania na Msumbiji.

Mgema ametoa kauli hiyo alipofanya ziara ya kikazi ya kutembelea  mpaka wa Tanzania na Msumbiji  na Soko la Kimataifa la Nakawale – Mkenda kwa lengo la kutoa msisitizo wa usalama wa  mpaka huo kufuatia ugojwa wa corona, hivi karibu.

“Serikali imewajengea soko  mnataka Serikali iwaletee bidhaa ,Serikali haifanyi biashara” Alisema Mgema.

Amewataka wananchi kuhamishia bidhaa zao katika soko hilo na shughuli zote za mnada, na kupiga marufuku kutumia eneo la shule kufanyia shughuli za mnada ilikuhakikisha soko hilolinafanya kazi iliyokusudiwa .

Wakiongea kwa niaba ya wananchi baadhi ya viongozi wa kijiji hicho wamemshukuru Mkuu wa Wilaya huyo kwa kuwapa ufafanuzi wa matumizi ya soko hilo kwani wao walikuwa hawaelewi kama wanatakiwa kutumia soko hilo,huku wakibaki kuliangalia tu.

Soko la Kimataifa la Mkenda limekamilika kwa asilimia kubwa huku tatizo likiwa niuwekaji wa miundo mbinu ya maji

Aidha wamemwambia Mkuu huyo wa Wilaya kuwa wanakabiliwa na janga la njaa baada ya mazao yao kusombwa na maji kufutia mfua kubwa zilizonyesha kuanzia mwezi Novemba  2019 hadi mwezi machi 2020.

Changamoto nyingine ni ukosefu wa mawasiliano ya simu jambo linalowapa shida kutoa taarifa kwa mamlaka zinahusika pindi wanapopata matatizo

JACQUELEN CLAVERY

AFISA HABARI SONGEA DC