WAGOMBEA watakiwa kutumia lugha ya ushawishi katika kampeni

Tarehe ya Kuwekwa: August 21st, 2020

Wagombea watakiwa kutumia lugha ya ushawishi wakati wa kampeni.

MSIMAMIZI  wa uchaguzi wa jimbo la Peramiho, mkoani Ruvuma, Simon Bulenganija ametoa wito kwa wagombea   jimbo hilo kwa nafasi za udiwani na ubunge kuacha kutumia lugha za kuwakatisha taama wapiga kura  kwenye zoezi la uchukuaji wa fomu na kampeni

 Bulengamija ametoa wito wakati akimkabidhi fomu mgombea ubunge kupitia chama cha mapinduzi  Jenista Mhagama katika ofisi za jimbo la uchaguzi la Peramiho baada ya Halmashauri kuu ya Taifa ya chama hicho kumpendekeza kuwa mgombea ubunge kwa tiketi ya CCM.

Amesema  tunapoingia kwenye mikutano ya  kampeni za uchuguzi  ni vema  wagombea wa ubunge na udiwani wakatumia lugha za kuwashawishi  wananchi kujitokeza kwenda kupiga kura badala ya kutumia lugha za kuwakatisha tamaa wapiga kura.

Amesema mikutano ya kampeni pamoja na wagombea kuomba kura  pia aliwaasa watumie mikutano hiyo  kutoa elimu ya mpiga kura kwa wale wenye sifa ya kwenda kupiga kura na kuwachagua viongozi kwani watakuwa wametekeleza demokrasia kwa vitendo.

 “Tumesha maliza uchaguzi ” alisema Bulenganija

kauli kama hiyo inakatisha tamaa au inavunja utayari kwa wanachi wenye utayari wa kwenda kupiga kura na Taifa kushindwa kufikia adhima iliyojiwekea

Bulenganija amasisitiza kwa  kusema uchaguzi wa mwaka 2020 ni wa huru na haki hivyo kila mgombea na wananchi wakazingatia taratibu, kanuni, na sheria za Tume ya Taifa ya uchaguzi kama inavyo elekeza katika kipindi chote cha mchakato, kupiga kura, kuhesabu na kutangaza matokeo.

 Kwa upande wake mgombea ubunge  wa jimbo hilo la Peramiho, Jenista Mhagama baada ya kukabidhiwa fomu  na msimamizi wa uchaguzi wa jimbo hilo, Bulenganija alisema kwa kujinadi  kuwa wakati Rais Dk John Magufuli akiwatuma  hakuna chama dhidi ya CCM kazi kubwa  aliyokuwa mbele yetu ni kuendelea kuwatumikia wananchi wa jimbo la Peramiho katika kuhakikisha  maendeleo yanasonga mbele katika sekta ya elimu, afya, maji, miundombinu ya barabara, kilimo na michezo kwa vijana.

 Pia amewashukuru  wanachama wa chama hicho cha CCM katika jimbo hilo la Peramiho kwa kumpa heshima kupitia kura za maoni hadi kuwa mgombea ubunge kwa kipindi kingine  hivyo na kuahidi ushindi wa kimbuka kwa madiwani, wabunge na Rais  Dk John Magufuli mkoani Ruvuma

Imeandikwana

Jacquelen Clavery