SHILINGI milioni 400 zimetumika kuendeleza ndoto za wanafunzi wa kike songea.

Tarehe ya Kuwekwa: March 6th, 2021

Halmashauri ya Wilaya ya Songea Mkoani Ruvuma imetua kiasi cha shilingi milioni 400 kujenga hostel tano kwa ajili ya wanafunzi wa kike kwa gharama ya shilingi 80 kwa kila jengo.

Afisa mipango wa halimashauri hiyo Athumani Nyange amesema fedha zilizotumka kutekeleza mradi huo zimetolewa na serikali kwa ajili ya kujenga hosteli katika shule ya Matimira, Kilagano,Maposeni,Mpitimbi na Mhalule

Nyange amesema Halmashauri ilipokea fedha Agosti 2020  kwa ajili ya ujenzi wa hosteli na kazi imekamilika kwa asilimia 90 kwa ajili ya  kuanza kutumika kwa malengo yaliyokusudiwa kinacho subiliwa ni  matengenezo ya vitanda.

Elizabeth Mwakyusa ni mwanafunzi wa kidato cha sita sekondari ya Mpitimbi anatoa shukrani kwa serikali kwa kuwajengea hosteli kitendo ambacho kitawaongezea ari ya kusoma na kuongeza ufauru sambamba na kupunguza utoro ambao ulikuwa  ukusababishwa na kutembea kwa  umbali kutoka kwenye makazi yao.

Sailis Luoga  ni mkazi wa Kijiji cha Mpitimbi pia ni mjumbe wa Bodi ya shule hiyo ameipongeza Serikali kwa ujenzi wa hosteli ambazo ni msaada mkubwa kwa wanafunzi wa kike, ameiomba Serikali kuendelea kuwasaidia kuwajengea miundombinu bora ya kutolea elimu

Mwalimu mkuu wa shule ya sekondari Mpitimbi Patrick Matembo amesema mradi wa ujenzi wa hosteli hizo utasaidia kuendeleza ndoto za wanafunzi wakike ambao wamekuwa wakikabiliwa na vikwazo vya kutimiza ndoto zao ukilinganisha na wavulana.

Halmashauri ya wilaya ya songea inajumla ya shule za sekondari za  21 kati ya hizo tano  zikiwa zinamilikiwa watu  binfsi na Taasisi ya dini.

Imeandikwa na

Jacquelen Clavery

Afisa  Habari

Songeadc