Rais Magufuli kuanza ziara mkoani Ruvuma kesho

Tarehe ya Kuwekwa: April 3rd, 2019

Rais Magufuli kuanza ziara ya kikazi mkoani Ruvuma kesho          

Rais wa Jamhuri ya Muungano wa Tanzania Dkt John Pombe Magufuli anatarajia kufanya ziara ya kikazi ya  sikuta tano  mkoani Ruvuma kuanzia Aprili 4,2019 .

Akizungumza na wanahabari ofisini kwake Kaimu Mkuu wa Mkoa wa Ruvuma Godfrey Zambi amesema akiwa  mkoani Ruvuma Dkt Magufuli atapokea taarifa ya maendeleo ya Mkoa na chama cha Mapinduzi Ikulu ndogo Tunduru  na kwamba atazindua na kuweka mawe ya msingi katika Miradi  iliyopo kila wilaya yenye  ya thamani ya zaidi ya shilingi bilioni  519.

Ameitaja Miradi atakayo zindua ni barabara ya Namtumbo-kilimasera,Matemanga-Tunduru ,chuo cha VETA  Namtumbo,mradi wa kusafirisha umeme kutoka Makambako –Songea Kituo cha Afya Madaba na kiwanda cha kuchakata sembe cha Kikosi cha 842 kj Mlale.

Miradi atakayowekewa jiwe la msingi ni ujenzi wa barabara kwa  kiwango cha lami ya mbinga –Mbambabay,barabara za lami Manispaa ya songea na hatimaye ataweka jiwe la msingi katika kituo cha mabasi kinachojengwa shule ya Tanga Manispaa ya songea.

Dkt Magufuli atafanya mikutano ya hadhara tarehe 06/04/2019 katika uwanja wa majimaji Manispaa ya Songea  ambapo tarehe 08/04/2019 ataongea na wananchi  wa Wilaya ya Nyasa na tarehe 9/4/2019 ataongea na wananchi wa Madaba.

Rais Dkt Magufuli anatarajia kukamilisha  ziara yake Mkoani Ruvuma tarehe 09/04/2019 na kuelekea mkoani Njombe.

JACQUELEN CLVERY –SONGEA DC. APRILI 03-2019