RAIS Magufuli azindua kkiwanda cha kuchakata mahindi 842 KJ Mlale

Tarehe ya Kuwekwa: April 9th, 2019

Rais wa Jamhuri ya Muungano wa Tanzania Dkt John Pombe Magufuli  amevitaka vikosi vya majeshi nchini kuiga mfano wa utendaji kazi wa jeshi la Kujenga Taifa na jeshi la wananchi  waTanzania

Rais ameyasema hayo wakati anazindua kiwanda cha kuchakata mahindi cha kikosi cha 842 KJ cha Mlale JKT kilichogharaimu zaidi ya shilingi milioni 400,kilichopo katika kijij cha Masangu Kata ya Magagura Halmashauri ya Wilaya ya Songea mkoani Ruvuma.

RAIS Magufuli amesema vikosi vya majeshi  nchini viige mfano wa utendaji kazi wa Jeshi la Kujenga Taifa na Jeshi la Wananchi w Tanzania kwa kujenga viwanda ambavyo   vinasaidia  kuinua uchumi  wa viwanda .

Rais Magufuli amesema ujenzi wa viwanda vikiwemo vya kuchakata  mahindi na mazao mengine vitaidi kuinua uchumi wa nchi,pia uwepo wa viwanda hivyo utasaidia upatikanaji wa soko la uhakika la mahindi  na upatikanaji wa chakula cha kutosha kwa wananchi.

Mkuu wa Majeshi ya  Ulinzi na Usalama Tanzania  Jenerali Venance Mabeyo amesema lengo la kuanzisha kiwanda hicho ni kupata kipato na kukuza uchumi kwa kujenga uchumi wa viwanda.

Amesema uanzishwaji  wa kiwanda hicho ,utakuwa chachu ya maendeleo kwa watu binafsi kuanzisha viwanda na kutumia fursa za kiuchumi kudumisha amani.

Kiwanda cha kuchakata mahindi cha JKT Mlale kina uwezo wa kuchakata tani zaidi ya  300 za sembe na tani zaidi ya 100 za pumba ambazo zinaweza kutengenezwa chakula cha wanyama.aidha  Jeshi la Kujenga  Taifa linatarajia kujenga kiwanda cha kuchakata korosho,kiwanda cha kuchakata alizeti Manyara na kiwanda cha kuchakata kahawa Itende Mbeya.