MWENGE WA UHURU WAINGIA MKOA WA RUVUMA NA KUPOKELEWA NA MKUU WA MKOA

Tarehe ya Kuwekwa: June 8th, 2024

Mkuu wa Mkoa wa Ruvuma Kanali Ahmed Abbas Ahmed ameupokea Mwenge wa Uhuru leo 08/06/2023 katika Wilaya ya Tunduru kijiji cha Sauti moja. Kanali Ahmed ameupokes mwenge huo ukitokea Mkoa wa Mtwara.

Mkuu wa Mkoa ameupokea Mwenge huo na sasa rasmi upo Mkoani Ruvuma na utakuwepo kwa siku nane (8) ukipitita Wilaya zote na kukagua miradi ya ya Maendeleo kwenye Halmashauri zote Nane zilizopo Mkoa wa Ruvuma.

Viongozi mbalimbali wa Mkoa, Wilaya na Halmashauri, wamefika Wilayani Tunduru kwa ajili ya Mapokezi ya Mwenge wa Uhuru.
Mapokezi hayo yamefanyika leo katika viwanja vya Shule ya Msingi Sauti Moja iliyopo Wilayani Tunduru, ukitokea Mkoa wa Mtwara huku wawakilishi kutoka kila Halmashauri zilizoko mkoa wa Ruvuma walikuwepo  wakishuhudia.
Mwenge wa Uhuru ukiwa Mkoa wa Ruvuma, utatembea umbali wa kilometa 1289.50 kwa mchanganuo ufuatavyo;- Tunduru Km 284, Namtumbo Km 170, Songea Vijijijni 134.80 Mbinga DC Km 110, Nyasa Km 186, Mbinga Mji 140, Manispaa Km 28.20 na Madaba km 165.

Aidha Mwenge huo kwa ujumla utatembelea Miradi 72 kwa mkoa mzima  yenye thamani ya zaidi ya bilion 46 na baada ya hapo tarehe 16/06/2024 Mwenge wa uhuru utakabidhiwa katika Mkoa wa Njombe

 Halmashauri ya Wilaya ya Songea Mwenge unatarijia kufika tarehe 10/06/2024 ambapo utapokelewa Kata ya Mpitimbi kijiji cha Lipaya na Utakesha kata ya Peramiho