MHESHIMIWA Waziri Jenista akabidhi vifaa tiba, jezi na vitabu vya dini Kata ya Muhukuru

Tarehe ya Kuwekwa: July 12th, 2023

Mbunge wa Jimbo la Peramiho na Waziri wa Nchi Ofisi ya Waziri Mkuu Sera, Bunge na Uratibu Mhe. Jenista Joakim Mhagama ameendelea na ziara leo Julai 12, 2023 katika Kata ya Muhukuru Kijiji Cha Nakawale na Kijiji Cha Maniamba.

Katika Ziara hiyo  ameambatana  na Viongozi wa Chama Cha Mapinduzi ngazi  ya Wilaya,  Mwenyekiti wa Halmashauri, Mkurugenzi Mtendaji,  Waheshimiwa Madiwani pamoja na Wakuu wa Idara.

Mheshimiwa Mbunge amegawa vifaa tiba katika Zahanati ya Kijiji  Cha Nakawale Viti vya kutembelea wagonjwa vitatu,  Mashuka, taulo za kike, Drip Stand, vyandarua na Kitanda  Cha Kujifungulia akina Mama.

Pia Mheshimiwa Jenista amewakabidhi viongozi wa dini ya kiislamu Misahafu na mikeka ya kuswalia, amegawa vifaa vya michezo (jezi na mipira) katika timu za Vijiji hivyo.