Mbegu za muhogo

Tarehe ya Kuwekwa: March 22nd, 2018

MBEGU ZA MUHOGO

Wakulima wa Halmashauri ya Wilaya yaSongea wamehizwa kuchangamkia fursa ya kupanda mbegu ya muhogo au vipando kwa lengo la kupata mbegu ya msingi zitakazozalisha zao muhogo

Hayo yamesemwa na BI HELENI KIOZYA kutoka Taasisi ya Utafiti wa mazao ya Mizizi Kibaha Mkoani Pwani na BI LINDA MALULI  kutoka shirika lisililokuwa la kiserikali la MEDA(Menonite Ecomic Development Association)   katika mafunzo  elekezi ya kuwatambua wakulima watakaokidhi vigezo vya kupanda mbegu ya zao muhogo kwa Waheshimiwa madiwani na wataalam wa Halmashauri ya Wilaya ya Songea yaliyofanyika katika ukumbi wa Halmashauri ya Wilaya  hivi karibuni.

Bi Kiozya amewahimiza wakulima kuchangamkia fursa kupanda mbegu za zao la mihogo kama moja ya zao la biashara ambalo litasaidia kuinua uchumi wao kutokana na viwanda vya kusindika mihogo kuhitaji mihogo kusindika na kuzalisha bidhaa mbalimbali licha ya kuzalisha kama zao la chakula.

Amesema baada ya kuwatambua wakulima watakao panda mbegu za zao la mhogo kila mkulima atatakiwa kuwa na ekari 4 kwa kuanzia,ambapo kila ekari moja atapanda mbegu 4000 baada ya kukuza mkulima atauza kila mbegu moja shilingi 200 kwa watakao hitaji mbegu,na baada ya miaka mitatu mkulima ataanza kuvuna mihogo tayari kwa chakula.

Mahali au sehemu inayotakiwa kulimwa na kupanda mbegu ya zao la muhogo haitakiwa kuwa karibu na mashamba mengine ya zao la muhogo  kwa lengo la kuepuka magonjwa  yanayoshambulia mihogo kama vile bato bato na kumsababishia hasara mkulima

Mbegu zitakazo tolewa kwa wakulima nizile zilizo fanyiwa utafiti  na Taasisi za Serikali kutoka Naliendelee Mkoani Mtwara,Kibaha Mkoani  Pwani na Uyole Mkoani Mbeya na mbegu ambazo zimethibika kuwa na ubora ni  aina ya kiroba,Mkuranga, kizimbani,Chereko na Kipusa ambazo hustamili magonjwa ya mihigo.

Zao la mhogo hustawi vizuri Zaidi katika kata zote 16 za Halmaashaauri ya Wilaya ya Songea kufuatia hali ya hewa mchanganyiko