MADARASA mawili katika shule ya sekondari Mpitimbi yafunguliwa na Kiongozi wa Mwenge wa Uhuru 2023

Tarehe ya Kuwekwa: April 22nd, 2023

KIONGOZI wa Mwenge Kitaifa Ndugu Abdalla Shaib Kaim amefungua mradi wa ujenzi wa madarasa mawili yaliyojengwa katika shule ya Sekondari Mpitimbi ambapo ilipokea fedha kiasi cha shilingi milioni 40 kutoka serikali kuu kwaajili ya kutekeleza mradi huo.

Ndugu Kaim amempongeza Mheshimiwa Dkt. Samia kwaajili ya ujenzi wa madarasa hayo ambayo yametatua changamoto ya uhaba wa madarasa.

Akizungumza baada ya kukagua mradi huo Kiongozi wa Mwenge wa Uhuru Kitaifa ameupongeza uongozi wa Wilaya, Halmashauri, Waheshimiwa Madiwani, Viongozi wa Chama na watumishi kwa usimamizi mzuri na kwa kuendelea kutekeleza miradi yenye viwango sawa na thamani ya fedha zilizotolewa na serikali.