DC Ndile akagua miradi Songea DC.

Tarehe ya Kuwekwa: July 5th, 2023

MKUU wa Wilaya ya Songea Mheshimiwa Kapenjama Ndile amefanya ziara ya kutembelea na kukagua miradi inayoendelea kujengwa katika Halmashauri ya Wilaya ya Songea.

Ziara hiyo imefanyika Julai 4, 2023 ambapo aliambatana na Mwenyekiti wa Halmashauri, Mkurugenzi Mtendaji, Kamati ya Ulinzi na Usalama Wilaya Pamoja na timu ya Wataalamu.

Mheshimiwa Ndile ametembelea ujenzi wa Soko na Ghala linalojengwa katika Kijiji cha Matomondo ambapo walipokea fedha kiasi cha shilingi Milioni 198.7 kutoka Serikali Kuu kwa ajili ya kutekeleza mradi huo.

Vilevile amekagua ujenzi wa mradi wa BOOST wa madarasa sita na matundu tisa ya choo katika shule ya msingi Kizuka, Matama, na Ngahokora unatekelezwa kwa fedha kiasi cha shilingi milioni 159.3. kutoka Serikali Kuu.

Pia amekagua ujenzi wa Zahanati ya Kijiji cha Mipeta iliyoanza kujengwa kwa nguvu za wananchi na Halmashauri ilipeleka fedha kiasi cha shilingi milioni 50 kutoka mapato ya ndani kwa ajili ya ukamilishaji na Zahanati ya Matama iliyoanza kujengwa kwa nguvu za wananchi na Halmashauri ilipeleka fedha kiasi cha shilingi Milioni 60 kutoka mapato ya ndani na Milioni tano kutoka mfuko wa Jimbo kwa ajili ya ukamilishaji.