WILAYA ya Songea imeingia mkataba wa kukusanya shilingi milioni 950 na Kampuni ya WFC LTD

Tarehe ya Kuwekwa: March 10th, 2021

 Halmashauri ya wilaya ya Songea Mkoani Ruvuma imeingia mkataba na kampuni ya West Food Comp LTD ya kutoka Makambako Mkoani Njombe kwa ajili ya kukusanya ushuru wa mazao.

Makubaliano ya mkataba huo yamefanyika leo katika Ofisi ya Mkurugenzi Mtendaji  kwa kuwekeana saini baina ya Mkurugenzi wa Kampuni na Uongozi wa  Halmashauri.

Akisaini mkataba huo Kaimu Mkurugenzi wa Halmashauri hiyo  Tanu Kameka ametoa wito kwa Kampuni kufanya kazi waliyoomba kwa ufanisi kwasababu Serikali inategemea mapato kwa ajili ya kutekeleza majukumu  yake.

 Mweka hazina wa Halmashauri hiyo Rajabu Lingoni amesema katika kuboresha ukusanyaji wa mapato vikao vya kisheria vilikubaliana kumpata mzabuni atakayefanya kazi ya ukusanyaji wa ushuru wa mazao baladala ya kuendelea kuwatumia mawakala.

 “Utaratibu wa kutumia zabuni katika kukusanya ushuru wa mazao utadhibiti mapato” Amesema lingoni.

Amesema maamuzi ya kumtumia mzabuni ni jambo nzuri  litakalo saidia  kudhibiti mapato ya Halmashauri,maamuzi hayo yamefikia baada ya kubaini unaudanganyi mkubwa katika ukusanyaji wa ushuru,unaofanywa na baadhi wa Tendaji wa Kata kupitia mawakala wao kitendo ambacho kilikuwa kinakwamisha jitihada za Halmashauri katika kutekeleza majukumu yake.

Lingoni amesema jumla ya vizuio 15 vimeanishwa na vimekabidhiwa kwa mzabuni ambavyo vitatumika katika kukusanya ushuru wa mazao kwa kipindi cha mwaka mmoja kuanzia mwezi Machi 2021hadi Machi 2022.

Lingoni amesema mzabuni anatakiwa kukusanya ushuru kwa kuzingatia taratibu,kanuni na sheria za ukusanyaji wa mapato zilizowekwa na Serikali na Halmashauri pasipo kumbughuzi mtu yeyote na Ofisi ya Mkurugenzi itafanya shughuli ya usimamizi na ufuatiliaji katika zoezi hilo.

Kwa upande wake mhasibu wa mapato wa Halmashauri hiyo Noel Chengula amepongeza utaratibu wa kutoa zabuni katika kazi ya ukusanyaji ushuru ni kitendo kinachoonekana kitaongeza ufanisi na kuondoa usumbufu na gharama za kuwalipa mawakala ambao awali walikabidhiwa jukumu hilo.

Chengula amesema sambamba na kuongeza ufanisi jambo hilo litasaidi kupunguza changamoto ya madeni kwa baadhi ya Watendaji wa Kata na  Vijiji na mawakala,gharama za ufuatiliaji,na fedha kufikishwa bank kwa wakati

Kwa upande wake Mkurugenzi wa kampuni hiyo Godwin Chengula  amehaidi kufanyakazi  kwa ufanisi kwa sababu ni mzoefu katika kazi ya ukusanyaji ushuru ,na anafanyakazi hiyo katika maeneo ya Wilaya ya Ulanga ,Ifakara ,Makambako na Manispaa ya Songea

Imetaarishwa na kuandikwa na,

Jacquelen Clavery ,

Afisa Habari 

Songeadc.