WANANCHI watakiwa kushirikikishwa kwenye mapambano dhidi ya corona

Tarehe ya Kuwekwa: April 17th, 2020

MGANGA Mkuu wa Mkoa wa Ruvuma Dr,Jairy Nkhanga ametoa rai kwa wananchi kushirikishwa katika mapambano dhidi ya virusi hatari vya corona.

Dr. Nkanga ametoa rai hiyo kwenye  kikao cha Kamati ya Maafa ya Mkoa na Halmashauri ya Wilaya ya Songea kilicho fanyika kwenye  ukumbi wa Halmashauri ya Manispaa ya songea.

Amesema ni vema katika mapambano dhidi ya ugonjwa wa corona wananchi wakashirikishwa hasa wa maeneo ya vijijini kwa kutoa taarifa kuhusu wageni wanaoingia mkoani  Ruvuma ambao hawawatambua na kutoa taarifa za wageni hao  kwenye Mamlaka  ili hatua stahiki ziweze kuchukuliwa na vyombo vinavyohusika sambamba ufuatiliaji wa karibu kuhusu washukiwa.

“Changamoto za miundombinu na vitakasa mikono  na barakoa zisirudishe nyuma mapambano dhidi ya ugonjwa wa corona badala yake taratibu na miongozo ya serikali kupitia Wizara ya Afya’’,alisema.

 Aidha amewashauri Waganga Wakuu wa Wilaya zote kuchukua hatua za makusudi kununua vitakasa mikono na barakoa kwenye  muduka ambako vifaa hivyo vinapatikana badala ya kusuburi kuagiza Bohari kuu  ya madawa ya Serikali kufuatia unyeti wa suala la mapambano dhidi ya ugonjwa wa corona

Mkuu wa wilaya ya songea pololeti mgema ametaka magari yote wanayobeba wageni ya puliziwe dawa ya kuua wadudu wakiwemo wa corona

JACQUELEN CLAVERY

K/ AFISA HABARI