WANANCHI WAPONGEZA HUDUMA BORA HOSPITALI YA WILAYA YA SONGEA

Tarehe ya Kuwekwa: November 8th, 2023

Wananchi wa Halmashauri ya Wilaya ya Songea waipongeza Serikali kwa huduma bora ya matibabu wanayoipata katika Hospitali ya Wiliya ya Songea iliyopo kata ya Mpitimbi wakati wa ziara iliyofanywa na Mkurugenzi wa mtandao wa utawala bora Mkoa wa Ruvuma Michael Sadic katika Hospitali hiyo.

Wakizungumza na vyombo vya habari wameishukuru serikali ya Jamuhuri ya Muungano wa Tanzania chini ya Mhe Raisi wa awamu ya sita Dkt Samia Suluhu Hassan kwa kuona umuhimu wa watu wa Halmashauri ya Wilaya ya Songea kwamba wanahitaji Hospitali kwaajili ya huduma bora za afya na kwa hakika wanapata huduma bora.

Kanuti Kapinga mkazi wa Kijiji cha Mpitimbi Kata ya Mpitimbi anasema “ kwa hakika tunafurahishwa sana na huduma tunazozipata katika hospitali hii kwani tumerahisishiwa sana kwenda umbali mrefu tukipata rufaa lakini kwa sasa tunapata huduma hapahapa nitoe wito kwa wananchi wengine wa Halmashauri ya Wilaya ya Songea na maeneo mengine waje wajionee ubora wa huduma zinazopatikana katika hospitali hii”.

Pia Rotilinda Njogopa mwananchi wa Kijiji cha Mpitimbi amesema “Kwakweli Tunaishukuru sana Serikali yetu kwa usimamizi mzuri katika miradi yake hasa katika Hospitali hii ya wilaya ya Songea kwamaana tunapata huduma nzuri na yenye viwango, kwakweli tunawashukuru katika hili pia nawaalika na wananchi wengine kuja kutibiwa hapa kwani watapata huduma bora sana”.

Nae Mganga Mfawidhi wa Hospitali hiyo Jackson Luena ameeleza “huduma zinaopatikana katika hospitali hii ni pamoja matibabu ya wagonjwa wa ndani na wa nje, huduma ya macho, meno, huduma ya mama na mototo pamoja na kifua kikuu na ukoma  pia katika hospitali hii  tulianza na wahudumu watano lakini kwa sasa tupo 41 na bado tunatararia kupokea madaktari wengine siku chache zijao hii inaonesha namna gani serikali inatujali ili kuhakikisha tunatoa huduma bora kwa wananchi, hivyo niwaalike wananchi kutoka sehemu mbalimbali kuja kutibiwa katika hospitali hii”.

Pia Mhe Issa Kindamba Diwani wa Kata ya Mpitimbi ameishukuru serikali Chini ya Mhe Raisi wa Jamuhuri ya Muungano wa Tanania Raisi wa awamu ya sita Dkt Samia Suluhu Hassani, pia Mbunge wa Jimbo la Peramiho Mhe Jenista Mhagama, Mwenyekiti wa Halmashauri Mhe Menas Komba pamoja na baraza la Madiwani na Mkurugeni mtendaji waHalmashauri ya Wilaya ya Songea kwa kuwajengea Hospitali kubwa katika Halmashauri ya Wilaya ya Songea na hasa katika Kata ya Mpitimbi pia ametoa wito kwa wananchi kutoka maeneo mbalimbali kwenda kutibiwa katika hospitali hiyo kutokana na huduma bora inayopatikana katika hospitali hiyo.