Viongozi wa vyama vya siasa Jimbo la Peramiho wapata mafunzo elekezi kuhusu uchaguzi mkuu

Tarehe ya Kuwekwa: August 12th, 2020

Viongozi nane wa vyama vya siasa katika Jimbo la Peramiho Mkoani Ruvuma wamepewa mafunzo elekezi ya kutambua kanuni,taratibu  na sheria za mwendo na mchakato wa uchaguzi mkuu wa oktoba  28 /2020.

Mafunzo hayo yametolewa na msimamizi mkuu wa wa uchaguzi Jimbo la Peramiho Bw Simon Bulenganija katika ukumbi wa mkutano wa jimbo la Peramiho uliopo katka ofisi ya Mkurugenzi Songea hivi karibuni

Bw Bulenganija amewasihi viongozi wa vyama hivyo kusoma na kuelewa vizuri kanuni, taratibu na sheria za uchaguzi kama zilivyo elekezwa na Tume ya uchaguzi Tanzania.

“Uchaguzi ni wa uhuru na haki kupitia zoezi hili lakujengeana uwezo muelewe vizuri na  kutoa taarifa sahihi ili kuepusha na kupunguza malalamiko yanoweza kujitokeza katika zoezi zima la uchaguzi “,alisema Bulenganija

Amesema mafunzo hayo yanalengo la kutumiza wajibu, nao kama viongozi wa vyama vya siasa wanawajibu wa kutoa maelekezo  sahihi kwa wagombea wao ,mawakala na wadau wengine wa vyama, hivyo wazingatie maelekezo yote yanayo tolewa na Tume ya Uchugazi ya Taifa kwa nia ya kuepusha sintofahamu ambazo zinaweza kutokea.

Ibrahimu komba ni katibu wa UDPP wa Wilaya ya Songea ametoa pongezi na shukrani kwa msimamizi mkuu wa  uchaguzi jimbo pamoja timu yake kwa kuwakuwapa mafunzo hayo ambayo yatawasaidia kutekeleza wajibu wao  katika mchakato mzima wa uchaguzi mkuu wa kuwachagua madiwani,wabunge na Rais.

Viongozi walioshiriki mafunzo hayo ni kutoka vyama vya siasa vya ACT Wazalendo,NCCR mageuzi ,Chama cha  CHADEMA,Chama cha Mapinduzi,(CCM),UDPP,Chama cha wananchi (CUF),ADATADEA pamoja na NRA.

Imeandikwa na Jacquelen Clavery

Afisa Habari-Songea DC