Timu ya Wataalamu yafanya ufuatiliaji wa miradi ya ajira ya muda inayotekelezwa na Walengwa wa TASAF.

Tarehe ya Kuwekwa: May 27th, 2023

MRATIBU wa TASAF Bi. Hossana Ngunge kwa kushirikiana na wataalamu wa Halmashauri ya Wilaya ya Songea wamefanya ufuatiliaji na ukaguzi wa miradi ya ajira za muda ­­(PWP) inayotekelezwa na walengwa wa mpango wa TASAF.

Miradi hiyo iliibuliwa na Walengwa ili kutatua changamoto mbalimbali zinazowakabili Kijiji husika.

Aidha, miradi iliyoibuliwa ni Pamoja na utengenezaji wa (paving) ambazo zitawekwa katika Zahanati ya Kijiji cha Lipokela.

Vilevile mradi mwingine ni ujenzi wa vivuko ambavyo vinaenda kurahisisha uvukaji katika kipindi cha masika ambapo mito mingi hufurika maji na kusababisha wananchi kushindwa kuvuka kutoka sehemu moja Kwenda sehemu nyingine.