TIMU YA MPIRA YA SONGEA DC FOOTBALL CLUB YAWA TISHIO MICHUANO YA ANSGARCUP

Tarehe ya Kuwekwa: June 27th, 2024

Timu ya Halmashauri ya Wilaya ya Songea, Songea DC FC, inayoshiriki michuano ya Ansgarcup inayofanyika katika kata ya Peramiho kwenye viwanja vya Ansgar na viwanja vya Tamasha Namihoro

Songea DC imeendeleza ubabe baada ya Kuifunga Madonga FC 2-1 na kufikisha alama 10 kwenye kundi B, magoli yaliyofungwa na kiungo Mshambuliaji Abdillah Mussa alimaarufu Mpemba.

Ushindi huo umeifanya timu hiyo kujinyakulia point 10 muhimu hivyo kuoongoza kundi B.

Akizungumza kwa niaba ya Timu, Menaja wa Timu hiyo Wakili msomi Hussein Hamidu amesema” tumeendelea kujifua kwa kushiriki michuano mbalimbali ili kujiweka sawa katika kushiriki Michuano mikubwa ya SHIMISEMITA inayotegemea kuanza Augost 25, 2024 jijini Mwanza.

Michuano ya AnsgarCup ni ligi ngazi ya kata.

Aidha, ili kuhamasisha Songea DC kufanikisha lengo, wadau mbalimbali wamekuwa wakihamasisha kwa kuahidi kununua magoli ambayo SONGEA DC watakuwa wakiyafunga, wadau hao ni pamoja na Mganga Mkuu wa Wilaya Geofrey Kihaule, Afisa Ardhi wa Halmashauri ndugu, Eliafao, na Afisa Elimu Msingi,  ndugu Sixbert Komba.

 Hii imekuwa ikileta hamasa ya wachezaji wetu kufanya vizuri, Tunaendelea kuwaomba wadau mbalimbali kuendelea kuishika mkono timu yetu ili iweze kufaniksha lengo la timu kwa kuhakikisha tumeweza kutwaa kombe hili.

Meneja ameendelea kumshukuru Mkurugenzi Mtendaji wa Halmashauri ya wilaya ya Songea Bi. Elizaberth Mathias Gumbo na viongozi wengine wa Halmashauri akiwemo Mbunge wetu wa jimbo la Peramiho, kwa kuendelea kutupa ushirikiano wa timu yetu.