TANGAZO la Usafi Jumamosi ya mwisho wa Mwezi tarehe 29/10/2022.

Tarehe ya Kuwekwa: October 21st, 2022

MKURUGENZI Mtendaji wa Halmashauri ya Wilaya ya Songea Ndugu Neema Maghembe anawatangazia wananchi wote wa Halmashauri ya Wilaya ya Songea kushiriki katika zoezi la usafi wa Mazingira.

Zoezi hilo la usafi litafanyika Jumamosi ya mwisho wa mwezi Octoba ambayo itakuwa tarehe 29/10/2022.

Usafi utaanza saa 12:00 asubuhi na kumalizika saa 4:00 asubuhi kwa muda huo hakuna shughuli nyingine itakayoendelea hadi usafi utakapoisha.

Aidha maeneo yaliyokusudiwa na kuwekwa mkazo wa kufanyiwa usafi ni Hospitali ya Halmashauri Mpitimbi ‘B’ na Hospitali ya Mission Peramiho, Vituo vya Afya Muhukuru, Matimira, Magagura, Zahanati za vijiji, maeneo ya shule za Sekondari na Msingi, Maeneo ya Mahakama zote za mwanzo, Vituo vya Polisi na maeneo ya taasisi za dini.

Pia maeneo ya Ofisi za Kata na Vijiji, maeneo ya majosho, maeneo yanayotumika kama masoko, maenneo ya minada, maeneo ya nyumba za watumishi, maeneo ya viwnda na maeneo ya makazi ya wananchi.

Hata hivyo amesisitiza Viongozi wote wa Kata na Vijiji washiriki kikamilifu katika kusimamia zoezi hilo.

                         ‘’TUNZA MAZINGIRA ILI YAKUTUNZE’’