SONAMCU yasaidia Timu ya Majimaji

Tarehe ya Kuwekwa: June 16th, 2020

Chama Kikuu cha Ushirika wa mazao cha Songea na Namtumbo (SONAMCU) kimetoa kiasi cha sh. Laki tano kuisaidia timu ya mpira wa miguu ya Majimaji ya Mkoa wa Ruvuma.

 Meneja Mkuu wa SONAMCU Juma Mwanga amekabidhi fedha hizo kwa Makamu Mwenyekiti wa timu hiyo Saidi Moyo ktk hafla fupi iliyo fanyika katika uwanja wa Majimaji uluiopo Halmashauri ya Manispaa ya Songea Mkoani Ruvuma hivi karibuni.

 Mwanga amesema wametoa fedha hizo kwa lengo la kuisidia timu ya Majimaji iweze kutekeleza majukumu yake pia timu ya majimaji ni sehemu ya chama hicho historia inaonyesha sehemu ya mapato yaliyotokana chama hicho yamesaidia kujenga uwaja wa Majimaji.

“Nawaommba wadau mbalimbali mjitokeze pia kuisaidia timu yetu ili iweze kupanda daraja “,alisisitiza Mwanga

Moyo ameishukuru SONAMCU kwa msaada walioutoa kwani utasaidia kutatua changamoto zinazoikabili timu hiyo,ambayo inahitaji kupanda daraja kwenda ligi daraja la kwanza.

Timu ya Majimaji inaomba kusidiwa kiasi cha shilingi milioni 30 ili iweze kusonga mbele ,kwasasa timu hiyo imebakiza kkucheza michezo mine ,mitatu ikiwa ya nyumbani na mmja ukiwa wa ugenini