RUVUMA ya chanja kwa asilimia 82 ya dozi 25,000 ya UVIKO-19

Tarehe ya Kuwekwa: October 1st, 2021

Mkuu wa mkoa wa Ruvuma Balozi Wilbert  Ibuge ametoa rai kwa wananchi kuendelea kupokea Elimu na kuchanja kwa hiari kwa lengo la kupunguza madhara na changamoto ya ugojwa wa UVIKO -19.

 Balozi  Ibuge ametoa rai hiyo katika kikao cha kamati ya Afya ya Msingi ya Mkoa kuhusu chanjo ya UVIKO 19 kilicho fanyika leo katika ukumbi wa Manispaa ya Songea Mkoa wa Ruvuma.

Balozi Ibuge ametoa rai kwa wananchi kuchanja kwa hiari kwasababu chanjo ya UVIKO -19 inaumuhimu mkubwa katika mapambano dhidi ya ugonjwa huo ikiwa ni pamoja na kupunguza vifo,gharama kubwa ya matibabu endapo mtu atapata maabukizi ya ugonjwa UVIKO -19 na mrundikano wa wagonjwa katika vituo vya kutolea huduma za afya.

Balozi Ibuge amewapongeza wananchi wa mkoa wa Ruvuma kwa kupokea elimu kuhusu umuhimu wa chanjo na kuchanja kwa hiari kitendo ambacho kinatoa fursa ya mapambano dhidi ya  UVIKO -19 ambao ni nitishio kwa maisha na uhai wa binadamu.

Balozi Ibuge amezitaja baadhi ya changamoto ambazo zinasababisha wananchi kutohiari kuchanja kuwa ni kutokuwa na elimu sahihi ya faida za chanjo,watu maarufu kutoa maelekezo hasi kwenye jamii kuhusu umuhimu wa chanjo na baadhi ya viongozi wa dini kutotoa ushirikiano katika zoezi la uhamasishaji wa chanjo.

Amesema mkoa wa Ruvuma kwakipindi cha siku nane kupita mpango wa huduma  shirikishi na harakishi umefanikiwa kuchanja jumla ya watu 21,303 sawa na asilimia 82 kutokana  dozi 250000 ambazo mkoa ulikuwanazo hadi kufikia Septemba  30,2021.

“Janga lililombele yetu ni kupoteza maisha ,shida ya kuchanja wachache ni kuambukiza wengi,na kuchanja wengi ni kupunguza maambukizi,” amesisitiza Balozi ibuge.

Naye katibu wa chama cha mapinduzi wa mkoa wa RuvumaNelly Ngeleja  ametoa wito kwa wananchi kushikamana na kushirikiana katika mapambano dhidi ya UVIKO-19 kwania ya kuushinda ugonjwa wa UVIKO -19 ambao ni tisho kwa uhai na ustawi wa binadamu.

Kwa upande wake Katibu wa BAKWATA wa Mkoa wa Ruvuma Rajabu Songambele amewashauri watoa huduma za Afya kuwafikia wananchi katika nyumba za ibada na makongamano mbali mbali ya kidini yanayofanyika katika jamii.

Imeandaliwa na kuandikwa na

Jacquelen Clavery

Afisa Habari

Songea DC.