RC kanali Thomas akagua ujenzi wa nyumba ya watumishi Mpitimbi.

Tarehe ya Kuwekwa: November 25th, 2022

MKUU wa Mkoa wa Ruvuma Kanali Laban Thomas amekagua mradi wa ujenzi wa nyumba ya watumishi wa hospitali ya Wilaya ya Songea iliyopo kata ya Mpitimbi Kijiji cha Mpitimbi B.

Kijiji cha Mpitimbi B kilipokea fedha kiasi cha Shilingi Milioni 68,376,600 kutoka Serikali Kuu kupitia mradi wa TASAF kwaajili ya utekelezaji wa mradi huo

Akizungumza katika ukaguzi huo amewapongeza viongozi na wananchi wote kwa kushirikiana vizuri katika kutekeleza mradi huu na kwa kasi ambayo wanaenda nayo.

‘’Nawasisitiza muendelee na kasi hiyohiyo mliyoanza nayo mimi ningependa mradi uweze kukamilika kabla ya muda ambao umepangwa ili muweze kuendelea na shughuli zingine za kilimo’’, amesisitiza RC Thomas.

Akizungumza Mtendaji Kijiji cha Mptimbi B Naomi Gerson Julius ametoa shukurani kwa Serikali ya awamu ya Sita inayoongozwa na Rais Mheshimiwa Samia Suluhu Hassan kwa kuwaleta fedha hizo, Mbunge wa Jimbo la Peramiho Mheshimiwa Jenista Joakim Mhagama kwa kuendele kuwapigania kupata fedha za miradi mbalimbali.

Vilevile ametoa shukrani kwa uongozi wa Wilaya, Kata na Kijiji kwa ufuatiliaji mzuri na kutatua changamoto ndogondogo wanazokutana nazo kwa haraka.