MWENYEKITI UWT Taifa akagua ujenzi wa madarasa na mabweni

Tarehe ya Kuwekwa: July 26th, 2023

MWENYEKITI wa UWT Taifa Ndugu Mary Pius Chatanda ametembelea na kukagua ujenzi wa madarasa na mabweni katika shule ya Sekondari Jenista Mhagama.

Ndugu Mary Chatanda ameridhishwa  na mradi huo na amewataka wanafunzi wasome kwa bidii ili wafaulu kwani Serikali ya Awamu ya Sita inayoongozwa na Mhe. Dkt. Samia Suluhu Hassan imewekeza fedha nyingi kwa ajili ya kuboresha miundombinu ya Elimu.

Aidha, amewasisitiza wazazi kupeleka watoto shule na kuacha tabia ya kuwaozesha watoto mapema.

" Watoto wanapopata nafasi ya kuendelea na masomo wapelekeni shule na hata wanapofeli Serikali imejenga vyuo vya ufundi na inaendelea kujenga hivyo hakikisheni mnawapeleka watoto katika vyuo hivyo", amesisitiza Ndugu Chatanda.