Mpango wa BAJETI Juni 2020/ 2021

Tarehe ya Kuwekwa: February 1st, 2020

Mpango wa BAJETI wa Juni 2020 /2021

Baraza la Madiwani la Halmashauri ya Wilaya ya Songea  Mkoani Ruvuma limepitisha zaidi ya Sh.bilioni 23 za mpango na bajeti ya maendeleo ya mwaka  wa fedha wa 2020/2021.

Mpango huo umewasilishwa na Kaimu Afisa mipango Charles Mihayo katika mkutano maalumu wa Baraza la Madiwani uliofanyika hivi karibuni katika ukumbi wa Halmashauri hiyo.

Bw Mihayo ametaja vyanzo vya mapato hayo kuwa ni makusanyo ya mapato ya ndani,Ruzuku toka Serikali kuu,pamoja na Ruzuku ya fdha za miradi  ya maendeleo.

Amesema bajeti imelenga katika kutekeleza majukumu mballimbali kipaumbele ikiwa ni kukamilisha miradi viporo ikiwemo kukamilisha Ujenzi wa Zahanati 7,Vituo vya Afya 4 na ujenzi wa Hospitli ya Wilaya,kuajiri wa watumishi 788 katika kada mbali mbali,kuboresha na kuendeleza Usafi wa mazingira.

Maeneo mengine ni ujenzi wa miundombinu ya Elimu ya Msingi na Sekondari na mapambano dhidi ya Utapiamlo.

Mwenyekiti wa Halmashauri hiyo Mhe.Rajabu Mtiula ametowa wito kwa wataalam  kuhakikisha wanasimamia vema ukusanyaji wa mapato ya Halmashauri na kudhibiti mianya mibovu ya ukusanyaji mapato endapo itajitokeza

Imeandaliwa na JACQUELEN CLAVERY

K / AFISA HABARI SONGEA DC.