MKURUGENZI Ndugu Neema Maghembe afanya ufuatiliaji wa miradi

Tarehe ya Kuwekwa: June 8th, 2023

MKURUGENZI Mtendaji wa Halmashauri ya Wilaya ya Songea Ndugu Neema Maghembe akiwa na Wataalamu amefanya ziara ya kikazi ya kutembelea na kukagua miradi ya maendeleo inayotekelezwa katika Kata ya Liganga na Kilagano.

Miradi iliyokaguliwa ni pamoja na mradi wa BOOST wa madarasa Matano na matundu matatu ya vyoo katika shule ya msingi Mbolongo ambapo walipokea fedha kiasi cha shilingi milioni 125,100,000/= kutekeleza mradi huo.

Pia amefanya ukaguzi wa mradi wa SWASH unaotekelezwa katika Kata ya Kilagano ambapo kuna ujenzi wa matundu 13 ya vyoo katika shule ya msingi Mhimbasi ambapo ilipokea fedha kiasi cha Shilingi milioni 34.2 kutekeleza mradi huu.

Akizungumza katika ukaguzi huo amewataka mafundi viongozi kuongeza kasi ya utekelezaji wa miradi hiyo ili kuhakikisha inakamilika ndani ya muda uliopangwa na ikiwa katika ubora na viwango vinavyokubaliwa na Serikali.