MKURUGENZI MTENDAJI MPYA WA HALMASHAURI YA WILAYA YA SONGEA AANZA RASMI KUITUMIKIA SONGEA DC

Tarehe ya Kuwekwa: March 13th, 2024

MKURUGENZI MTENDAJI MPYA WA HALMASHAURI YA WILAYA YA SONGEA AANZA RASMI KUITUMIKIA SONGEA DC

Mkurugenzi Mtendaji wa Halmashauri ya Wilaya ya Songea Bi. Elizabeth Gumbo amekabidhiwa Rasmi Ofisi na Aliyekua Mkurugenzi Mwl. Neema Maghembe.
Makabidhiano hayo yalifanyika katika ofisi ya Mkurugenzi Mtendaji iliyopo Lundusi ikishuhudiwa na Mwenyekiti wa Halmashauri ya Wilaya ya Songea Mhe. Menans Komba pamoja nae alikuwepo pia Afisa Utumishi na Afisa Mipango wa Halmashauri ya Wilaya ya Songea.

Mwl Neema alishukuru sana Mhe Rais wa Jamhuri ya Muungano wa Tanzania, Dkt. Samia Suluhu Hassan, kwa kumuani na kumpa majukumuh ya kuwatumikia wananchi kama Mkurugenzi Mtendaji wa Halmashauri ya Songea, hivyo hata mabadiliko yaliyofanyika ameyapokea na kuahidi ushirikiano katika kulijenga Taifa.

 Aidha amewashukuru sana ushirikiano alioupata kutoka kwa wafanyakazi wa Halmashauri ya Wilaya ya Songea, lakini pia namna ambavyo waliweza kufanya kazi pamoja kama Timu na kuwaomba watumishi wampe sana ushirikiano Mkurugenzi Mtendaji mpya ili waweze kulivusha gurudumu la maendeleo halmashauri ya Songea

Hata hivyo, nae Mkurugenzi Mpya Bi Elizabeth Gumbo, ameshukuru kwa kupokelewa Songea DC, na kusisitiza mambo makuu mawili ambayo ni Ushirikiano na Kuheshimiana.