MIFUGO kusajiliwa kwa njia ya heleni za kieletroniki

Tarehe ya Kuwekwa: November 12th, 2021

Wizara ya Mifugo na Uvuvi imeanza zoezi la utambuzi ,usajili na ufuatiliaji  wa mifugo kwa njia ya heleni za kieletroniki kwa lengo la kutambua idadi ya mifugo nchini, kukidhi mahitaji ya soko la ndani na nje ya nchi na kurahisisha mipango ya kuihudumia.

 Hayo ameyasema  Afisa Mifugo na Uvuvi wa Halamashauri ya Wilaya ya Songea mkoani Ruvuma Dr Erick Kahise akiwa Ofisini kwake.

Dr Kahise amesema katika utekelezaji wa zoezi hilo Serikali imetoa Mwongozo ambao unaelekeza watu binafsi kuingia makubaliano na Serikali ili waweze kusambaza na kuvisha mifugo heleni za kieletroniki kwa usimamizi wa Halmashauri za Wilaya

Dr Kahise amezitaja faida za usajili wa kieletroniki ni pamoja na kutambua idadi ya mifugo na sehemu ilipo,kukabiliana na changamoto ya magonjwa ya milipuko ambayo pia ni tishio kwa uhai wa binadamu,urahisishaji wa biashara ya mifugo na mazao yake,uthibiti wa wizi pamoja na kuwawezesha wafugaji kupata mikopo na bima.

Dr Kahise amesema katika utekelezaji wa zoezi hilo Serikali imetoa Mwongozo ambaoa unaelekeza watu binafsi kuingia makubaliano na Serikali ili waweze kusambaza na kuvisha mifugo heleni za kieletroniki kwa usimamizi wa Halmashauri za Wilaya

Ameitaja mifugo itakayo husika na zoezi hilo kuwa ni ng’ombe , punda, kondoo na mbuzi wenye umri zaidi ya miezi mitatu  wanaofugwa kwenye mashamba ya serikali,Ranchi, mashamba ya watu binafsi na mifugo iliyopo kwenye maeneo yote ya unenepeshaji,wanaopelekwa mnadani na machinjioni na wanaosafirishwa toka eneo moja kwenda jingine.

 Dr Kahise amewataja wadau mbalimbali watakao husika na usimamizi na ufuatiliaji wa zoezi hilo kuwa Serikali za Vijji,watoa huduma binafsi  na wafugaji wenyewe kwa kuzingatia sheria,kanuni na taratibu za nchi.

Ameongeza kwa kusema heleni ambazo  zitawekwa kwenye mifugo hiyo zitakuwa zina fanana isipokuwa kuwa Kwa Wilaya ambazo zipo mipakani mwanchi heleni hizo zitatofautiana rangi kwa lengo la kudhibiti  changamoto mbalimbali ikiwemo ya wizi wa mifugo.

Imeandaliwa na kuandikwa na

Jacquelen Clavery.

Afisa Habari

Songea DC.