Matokeo ya uchaguzi

Tarehe ya Kuwekwa: August 12th, 2018

Matokeo ya Uchaguzi                  

CCM Washinda CHADEMA na CUF mawenge  katika gombea kiti cha Udiwani kata ya peramiho

Hali hiyo imefuatia baada ya  msimamizi mkuu wa uchaguzi jimbo la Peramiho Bw Simoni Bulenganija kumtangaza Bw Selemani Hamza Honde kuwa mshindi wa kiti cha udiwani wa kata ya Peramiho,matokeo yaliyotangazwa Augasti 12/2018 katika ukumbi wa Emau Peramiho.

Bw Bulenganija amesema Bw Honde ameshinda kwa kura 4115 kati ya kura 4731 halali zilizopigwa huku mgombea wa CHADEMA Astrida Gama akipata kura 517 na mgombea wa CUF Omari Zuberi Rajabu akiambulia kura 38 kati ya kura hizo na kura nyingine  zimeharibika.

Aidha Bw Bulenganija ametoa shukrani za ke dhati kwa vyama vyote vilivyo shiriki uchaguzi kwa kuonyesha ushirikino, mshikamano Pia  ukomavu wa kisia au kidemokrasia kwa kufanya kampeni za kiustarabu bila kubughudhiana  wala uvunjifu wa amani baina yao mwanzo wa kampeni hadi  siku matokeo ya uchaguzi huo yanavyo tangazwa.

Kata ya Peramiho  ina jumla ya wapiga kura 7236 wenye sifa na vigezo vya kupiga kura na waliopiga kura ni wananchi 4731 baadhi yao hawa kupiga kura kutokana na sababu mbalimbali zisizoweza kudhuirika.

Uchaguzi huo umefanyika kufuatia aliyekuwa diwani wa kata hiyo  Mh Aizack Mwimba kufariki dunia mwezi Februali /2018 kwa ajali ya kugongwa na gari.

JACQUELEN CLAVERY__TEHAMA