MASHINDANO YA MICHEZO YA WATUMISHI WA MAMLAKAZA SERIKALI ZA MITAA TANZANIA (SHIMISEMITA) MWAKA 2024 KUANZIA 24 AGOSTI - 05 SEPTEMBA, 2024 KATIKA JIJI LA MWANZA

Tarehe ya Kuwekwa: June 30th, 2024

Katibu mkuu TAMISEMi ameridhia kuanza kwa maandalizi ya Mashindano ya Shirikisho la Michezo ya Watumishi wa Mamlaka ya  Serikali za Mitaa Tanzania‘SHIMISEMITA’ yanayoenda sambamba na kauli mbiu isemayo “ushiriki uchaguzi wa Serikali za mitaa kwa taifa endelevu”  yataanza rasmi Agosti 24, 2025 Jijini Mwanza.

Mashindano hayo yenye lengo la Kuimarisha  Afya Na Mahusiano kazini kwa Maendeleo ya Nchi yatafanyika jijini mwanza ikiwa pamoja na mambo mengine lengo lake ni kuhamasisha wananchi kushiriki Uchaguzi wa Serikali za Mitaa utakaofanyika mwishoni mwa mwaka huu.

“Tunakili kupokea Barua ikituelekeza kufanya maandalizi ya Mashindano ya Michezo ya Watumishi wa mamlaka za Serikali za mitaa tanzania (SHIMISEMITA) na kifupi sisi kama timu tupo vizuri, tulianza mazoezi mapema ikiwa ni pamoja na kushiriki mashindano mbalimbali kwa ngazi ya mkoa, Wilaya na Kata, hivyo tupo vizuri na tupo tayari kwa mashindano” alisema Meneja wa Timu ya Halmashauri Wakili Msomi, Hussein Ramadhan Hamidu

“Ikibali kimetolewa kwa ajili ya kufanyika kwa mashindano ya SHIMISEMITA, hivyo, kila Halmashauri imetakiwa kushiriki kwenye mashindano hayo, kwakua tushajulisha kushiriki mashindano hayo sisi kama Halmashauri ya Songea tumeanza taratibu ikiwa ni pamoja na kushirikiana na Uongozi ili kufanikisha taratibu zote tayari kwa Mashindano” alisema Francis Shuka, Afisa Michezo Songea DC

Halmashauri ya Wilaya ya Songea kwa mara ya kwanza walishiriki Mashindano haya mwaka jana ambapo katika michezo iliyokuwepo walishiriki Mpira wa Miguu, riadha, Pooltable na bao ambapo waliishia hatua ya Robo faiaili katika Mpira wa Miguu nan  Nusu fainali kwenye bao.

Michezo ni furaha, Michezo huweka mahusiano mazuri kati ya Watumishi wa eneo moja na jingine, hivyo uwepo wa michezo kwa watumishi unaendelea kuongeza mahusiano mazuri kati ya viongozi na watumishi, lakini pia watumishi kwa watumishi.