MAAGIZO MATANO YA MKUU WA MKOA WA RUVUMA BAADA YA KUTEMBELEA MIRADI KATIKA HALMASHAURI YA SONGEA

Tarehe ya Kuwekwa: January 29th, 2025

Mkuu wa Mkoa wa Ruvuma, Kanal Ahmed abbas Ahmed, leo tarehe 29/01/2025 ametoa maagizo kwa wasimamiz wa miradi ya Maendeleo katika Halmashauri ya Wilaya ya Songea.

Kanal Ahmed ameyasema hayo katika Ziara yake ya kukagua miradi ya Maendeleo katika Halmashauri ya Wilaya ya Songea, ambapo alitembelea na kukagua ujenzi wa Shule ya Sekondari Amali, ukamilishaji wa Bwalo la chakula Shule ya Sekondari Jenista Mhagama, na ujenzi wa Stendi kijiji cha Parangu

Akitoa maagizo hayo katika ziara hiyo, Mkuu wa mkoa wa Ruvuma amesema

“Nimeona kazi nzuri inayotekelezwa, lakini na mimi pia nimeona yapo maagizo yakuweza kuwapa ambayo mkiyafanyia kazi, mtaenda vizuri zaidi.

Kwanza mhakikishe kasi ya utekelezaji wa Miradi hii inaongezeka ili ikamilike kwa wakati kama tulivyojipangia wenyewe

Pili umakini uongezeke katika kuanza na umaliziaji wa Miradi.

 Tatu kuhakikisha thamani ya fedha ( value for money )inalingana na majengo yanayojengwa.

Lakini  kuhakikisha Ushirikishwaji wa wananchi wenye mradi husika unazingatiwa tangu mradi unaanza mpaka unakamilika

Mwisho, Upatikanaji wa Vifaa, uzingatiwe katika kipindi hiki cha Mvua, na vile ambavyo haviharibiki vifike eneo la kazi