KATIBU Tawala Msaidizi, Utawala na Rasilimali watu Mkoa wa Ruvuma Ndugu Mketo azungumza na watumishi wa Songea DC.

Tarehe ya Kuwekwa: September 13th, 2022

KATIBU Tawala Msaidizi, Utawala na Rasilimali Watu Mkoa wa Ruvuma ndugu Bakari Ally Mketo amewataka watumishi kufanya kazi kwa weredi, kujitambua na kutekeleza majukumu yao kama inavyotakiwa.

Ameyasema hayo wakati akizungumza na watumishi wa Halmashauri ya Wilaya ya Songea katika ukumbi wa mikutano wa Lundusi Peramiho.

Lengo la kikao ni kusikiliza na kutatua changamoto mbalimbali zinazowakabili watumishi na kuhamasisha waendelee kuboresha utendaji kazi.

Aidha, amewapongeza watumishi wa Halmashauri ya Wilaya ya Songea Wakiongozwa na Mkurugenzi Mtendaji Ndugu Neema Maghembe kwa utendaji kazi wao katika usimamizi wa miradi.

Pia amewashukuru Viongozi wa Chama wakiongozwa na Mhe.Menasi Komba kwa utendaji kazi mzuri na usimamizi wa miradi.

‘’Mabadiliko ya Songea DC ni makubwa na ya haraka sana yanastahili pongezi hivyo niwaombe mzidi kujituma kati utendaji kazi ili muweze kwenda mbele Zaidi ya hapo mlipo’’, amesema ndugu Mketo.

Kwaupande wake Mkurugenzi Mtendaji wa Halmashauri ya Wilaya ya Songea Ndugu Neema Maghembe  ambaye amewakilishwa na Afisa Elimu Sekondari Bumi Kasega amemshukuru Katibu Tawala Msaidizi kwa kuja kuzungumza na watumishi.

‘’Yote yaliyosemwa tumeyasikia, tumeyapokea na tunakuhaidi yaliyo ndani ya uwezo wetu tutaenda kuyafanyia kazi katika kutekeleza majukumu ya kujenga Halmashauri yetu’’, amesisitiza Afisa Elimu Bumi.

Wakizungumza kwa nyakati tofauti watumishi wa Halmashauri ya Wilaya ya Songea wamempongeza Mkurugenzi Mtendaji wa Halmashauri Ndugu Neema Maghembe kwa kuwa karibu na watumishi, kuwasikiliza na kutatua changamoto ambazo zinawakabili kwa wakati.

Imeandaliwa na Bahati Nyoni,

Kitengo cha Mawasiliano Serikalini.

Septemba 13 2022.