KAMATI ya siasa ya Mkoa wa Ruvuma yakagua miradi ya maendeleo ya Halmashauri ya Wilaya ya songea.

Tarehe ya Kuwekwa: July 7th, 2020

KAMATI  ya siasa ya  Mkoa wa Ruvuma ya kagua  miradi ya maendeleo Halmashauri ya Wilaya ya Songea.

Kamati ya siasa ya Mkoa wa Ruvuma yaagiza miradi inayotekelezwa katika Halmashauri ya Wilaya ya Songea ikamilishwe na ianze kutoa huduma kwa Wananchi kwa hatua za awali kabla ya Agosti mosi 2020

Maagizo hayo yametolewa na Mwenyekiti wa kamati hiyo ndugu Oddo Mwisho wakati wa  ukukaguzi wa miradi ya maendeleo inayotekekelezwa katika halmashauri hiyo iliyofanyika Julai  sita ,2020.

Mwisho amesema azima ya Serikali kuona wananchi wanapata huduma kama vile huduma za afya,maji safi na salama ,mazingira mazuri ya kutolea elimu ,barabara na huduma nyingine za kijamii ambazo wanamchi wanastahili kupata.

“Napongeza hatua za utekelezaji wa miradi unavyoendelea majengo mazuri yaende sambamba na utoaji wa huduma inayotakiwa kutolewa”alisema Mwisho.

 Naye katibu wa CCM wa Mkoa wa Ruvuma Nuru Ngereja ametoa wito kwa wataalam wa Halmashauri hiyo kutnza miundombinu ya miradi hiyo ili iweze kudumu na kutoa huduma endelevu.

Kwa upande wake Mkurugenzi Mtendaji wa Halmashauri hiyo Bw Simon Bulenganija amehaidi kusimamia kufuatilia na kushugulikia miradi yote ya Afya iliyotembelewa na kuhakikisha inaanza kutoa huduma iliyo kusudiwa kwa wakati.

Miradi iliyotembelewa na kamati hiyo ni ujenzi kituo cha Afya Magagura,,Hospitali ya Wilaya Mpitimbi,ujenzi wa vyoo vilivyo boreshwa kupitia mradi wa SHWASH katika Kijiji cha Mpitimbi,miradi mingine ni ujenzi wakituo cha Afya Muhukuru ambacho kimeanza kutoa huduma za upasuaji kuanzia Aprili mosi 2020,mradi wa maji katika Kata ya Muhukuru Lilahi na Chuo cha Maendeleo ya Wananchi kilichopo Muhukuru Lilahi.

Imeandikwa na

Jacquelen Clavery

Afisa habari Songea DC.