Halmashauri ya wilaya ya songea kujenga kitega uchumi

Tarehe ya Kuwekwa: January 31st, 2019

Mkurugenzi wa Halmashauri ya Manispaa ya Songea ameridhia kubadilisha matumizi ya viwanja vinavyo milikiwa na Halmashauri ya Wilaya ya Songea vilivyopo eneo la Mfaranyaki mjini Songea.

Mkurugenzi wa Halmashauri ya Manispaa ya Songea Christina Sekambo amefikia makubaliano hayo kufuatia eneo hilo kuwa ni eneo la kibiashara, awali eneo hilo lilikuwa makazi ya watu.

Sekambo amevitaja viwanja hivyo ni kitalu namba 33,34,35,37 na 39 ambavyo vipo kati kati ya mji wa songea,eneo hilo limepangwa kuwa eneo la biashara kufuatia mpango kabambe wa biashara

Halmashauri ya Wilaya ya Songea inakusudia kuwekeza katika  eneo hilo kwa kujenga jengo la kisasa la ghorofa kwa ajili ya vyumba vya biashara.Jengo hilo  litapokamilika litakuwa ni miongoni mwa vyanzo vya mapato vya  vya Halmashauri .

 Mkurugenzi Mtendaji wa Halmashauri ya Wilaya ya Songea kupitia Idara ya mipango miji amesema ujenzi unatarajia kuanza mara moja kwa hatua za awali na ramani ya jengo hilo imeshakamilika