WAKALA WA KUKUSANYA USHURU WA MAZAO NDANI YA HALMASHAURI YA WILAYA YA SONGEA
06 January 2021
HALMASHAURI YA WILAYA YA SONGEA
TANGAZO LA ZABUNI
ZABUNI NA. LGA/102/2020/2021/NCS/01
01/01/2021
WAKALA WA KUKUSANYA USHURU WA MAZAO NDANI YA HALMASHAURI YA WILAYA YA SONGEA
MWALIKO WA ZABUNI
Halmashauri ya Wilaya ya Songea inakusudia kuweka wakala wa kukusanya Ushuru wa Mazao ndani ya Halmashauri ya Wilaya ya Songea.
Halmashauri ya Wilaya ya Songea inapenda kuwaalika watu Binafsi, Makampuni, Ushirika, Taasisi au Vikundi vya watu vilivyosajiliwa kisheria, wenye nia na uwezo wa kufanya kazi hizo kutuma maombi yao kwa Zabuni hii.
Zabuni hii ipo wazi kwa wananchi na wakazi wote wa Tanzania na zitaendeshwa kwa mujibu wa sheria na kanuni za manunuzi ya Umma (Bidhaa, ujenzi, huduma zisizo za kiushauri na uteketezaji wa mali chakavu za Umma kwa zabuni) Sheria namba 07 (2011) na kanuni zake za mwaka, 2013 – G.No 446.
Wazabuni wote wanao kusudia kuomba zabuni hizi na walio na sifa zinazotakiwa wanaweza kufika na kupata taarifa zaidi pamoja na kukagua nyaraka za zabuni husika ofisini kwa katibu wa Bodi ya Zabuni ya Halmashauri kwa gharama zao wenyewe kuanzia jumatatu saa 2:00 asubuhi hadi saa 9:30 alasiri siku za jumatatu hadi ijumaa isipokuwa siku za sikukuu tu.
Fomu maalum za maombi au nyaraka za zabuni zimeandaliwa kwa lugha ya Kiswahili na zinauzwa Tsh 100,000/=. Kabla ya kuchukua fomu utapaswa kuleta barua kwa anuani tajwa hapo chini. Pesa ya maombi ya zabuni hazitarudishwa.
Maombi yote yajazwe kwa makini na yaambatane na nakala mbili (original + 2 copies) na yafungwe vizuri kwa makini ndani ya bahasha kisha yatumwe kwa Katibu wa Bodi ya Zabuni, Halmashauri ya Wilaya ya Songea, S.L.P 995, Songea kabla ya tarehe 18 Januari, 2021 saa 4.00 asubuhi. Zabuni zitafunguliwa siku hiyo hiyo saa 4.30 asubuhi mbele ya waombaji wote/wawakilishi wao watakaopenda kuhudhuria katika tafrija ya ufunguzi itakayofanyika katika Ofisi za manunuzi.
Juu ya bahasha iandikwe: Uwakala wa kukusanya Ushuru wa Mazao ndani ya Halmashauri ya Wilaya ya Songea, ZABUNI NA. LGA/102/2020/2021/NCS/01
Zabuni zitakazo chelewa kufika kwa muda uliopangwa, sehemu ya Zabuni zitakazo tumwa kwa njia ya electronic, eg fax, e: mail nk, zabuni ambazo hazikufunguliwa siku ya ufunguzi na zabuni ambazo hazikupokelewa hazitakubaliwa kufanyiwa tathmini bila kujali mazingira yeyote.
Halmashauri haitalazimika kugawa zabuni yeyote kwa mtu yeyote aliyefanyiwa tathmini na kuonekana ndiye aliyetaja kiwango cha juu au cha chini cha pesa.
Tathmini itazingatia vigezo vyote vilivyopo kwenye nyaraka ya zabuni, pamoja na bei kulingana na bajeti ya Halmashauri.
Mzabuni mwenye mashauri ya aina yoyote na Halmashauri yoyote hatakuwa na sifa ya kupewa zabuni hii.
Mzabuni ambaye alishawahi kutunukiwa zabuni ya aina yoyote na Halmashauri au Taasisi yoyote ya Serikali lakini akashindwa kutimiza masharti ya Zabuni au kuvunja mkataba atakuwa amepoteza sifa ya kupewa Zabuni hii.
NB: Mshindi wa Zabuni hii atakabidhiwa mashine za kukusanyia mapato (POS) na sheria ndogo ndogo za Halmashauri na makusanyo yote yatawasilishwa benki kwa Mujibu wa makubaliano yaliyowekwa kati ya pande mbili za Mkataba na Mzabuni atalipwa kamisheni kutoka katika makusanyo aliyowasilisha.
